作曲編曲我比99分，好高水準，不落俗套，但我好唔鍾意佢個演繹（which is, I know, very subjective），用把好樂觀好正面既聲去唱，忽略晒咁有層次既旋律同咁rich既編曲，我一路聽，覺得成個曲同把聲好似兩架火車係兩條唔同既路軌行緊咁，完全唔關事。
原因係咩呢？我覺得大家聽廣東歌太易被歌詞主導，詞大過曲，以歌詞去理解成首歌，歌詞講咩，就用果把聲去唱。老老實實，如果成份歌詞唔係寫「樂觀」而係寫另一樣野，佢會唔會仲用呢班聲唱？唔會，因為佢把聲已經比歌詞主導左。轉左歌詞，自然係另一首歌啦，自然用另一把聲唱，但你唔記得，旋律同編曲仍然係不變。所以佢係呢隻歌既演繹話比大家聽：你留意下歌詞啦，我呢句咁唱係因為歌詞咁咁咁咁。我聽歌係聽旋律、編曲同聲線就ok，詞我其實真係唔係好理。所以啲人話「食軟雪榚」係膠歌我極不同意。
總結，大家不如下次聽歌欣賞下啲旋律同編曲
Search